StarTalk丨王嘉爾自揭DM鄧麗欣獲冷淡回應 直言40歲未脫單會出po求助
275,544
Published 2023-01-02
我哋嘅主播 潘盈慧 早前就去新加坡獨家採訪咗韓團GOT7香港成員王嘉爾Jackson Wang 嘅演唱會綵排情況，其實阿盈之後仲邀請到Jackson接受《StarTalk》嘅訪問！喺訪問入面Jackson除咗會講到搞演唱會嘅心路歷程，仲會講吓佢嘅感情世界同擇偶條件！
舉行自己人生第一個巡迴演唱會，Jackson話因為自己有7至8年都係以一個團隊嚟工作，雖然單飛活動都有3至4年，但因為都冇一個屬於自己嘅演唱會，所以今次有機會舉行個人世界巡迴演唱會，令自己心情相當激動。
Jackson又話雖然一直都喺籌備狀態，但自己要去到上台一刻，先真正感受到呢個係自己嘅第一個騷。由於只得兩個幾月時間去籌備，無論係Rundown定係搵人合作，Jackson都有份參予其中，佢笑言成個過程好似一場惡夢咁，但上到舞台見到觀眾之後，就由惡夢變成雞皮疙瘩嘅感動感覺。
一直以嚟都專注喺音樂事業上嘅Jackson，就話希望今年可以嘗試向電影方面發展，佢仲透露以前一直唔接拍電視劇同電影嘅原因，係因為覺得自己冇學過演技，所以過去幾年Jackson好努力咁裝備自己，好似去學武術、打筋斗咁，直到今年佢終於覺得自己係時候可以去面試。
講到想試嘅角色？Jackson竟然話自己完全無信心拍愛情片，仲話自己人生淨係睇過一套愛情片就係《十分．愛》，因為自己真係好鍾意Stephy鄧麗欣。不過問到如果有電影可以同Stephy做情侶會唔會拍時，Jackson就即時怕醜仔上身話唔好搞，佢仲分享咗一個小秘密，就係當年佢同朋友講起《十分．愛》呢套戲，仲同朋友研究Stephy有冇IG，點知一搵之下就發現Stephy竟然follow緊自己，Jackson話當下自己激動咗好耐，之後佢仲有DM返Stephy話自己係對方嘅超級fans，當阿盈好興奮咁追問Stephy有冇覆佢？點知Jackson就話：「佢覆『HAHA』」，令到阿盈都忍唔住大笑，無奈嘅Jackson即話：「都算覆啦！你仲想點呀！」
訪問中途，Jackson竟然做主持後問返阿盈，要佢喺咁多齣TVB嘅劇入面，揀最鍾意嘅一套，之後又分享返自己最鍾意《棟篤神探》同《男親女愛》，又話自己好鍾意黃子華同林敏驄，就連早前熱播嘅《下流上車族》佢都有睇。
作為公眾人物，有時會因為一啲情況而得失部份fans甚至失去咗佢哋，Jackson就話唔係得唔得失嘅問題，而係原則嘅問題，佢又話有時佢分享自己觀點嘅嘢，就係佢所信嘅事，加上自己係一個表演者，責任係令大家歡樂，所以佢覺得自己冇咩資格去判斷任何事物，佢只係純粹分享個人觀點。
訪問入面Jackson仲同阿盈玩咗快問快答，入面佢透露咗自己好想拍拖，但係現實生活中因為工作太忙而令佢有呢個機會，Jackson又搞笑咁話而家拍拖會隨緣先，可以到佢35歲或者40歲嘅時候佢真係搵唔到另一半，就會喺IG出post叫大家幫幫手。
節目尾聲就當然有彩蛋啦！阿盈準備咗兩份禮物送畀Jackson，當中仲有神秘嘉賓現身，不過我咪就同Jackson夾埋同呢位神秘嘉賓開咗個小玩笑，想知係咩嘅，即使click入去睇完整版訪問啦！
#StarTalk #王嘉爾 #Jackson #十分愛 #鄧麗欣 #快問快答 #神秘嘉賓 #潘盈慧
#TVB #娛樂新聞 #TVB娛樂新聞台
#ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
www.facebook.com/TVBENews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0
All Comments (21)
-
王嘉爾既靚仔又幽默 確令人喜愛
-
王嘉爾又夠真智慧高,有才華是－位健康愛國青年。👍👍王嘉爾父母良好教育居功不少👍👍
-
王嘉爾有思想有愛心懂感恩，謙卑禮貌有個性有分寸，才華和品格獲得不同年齡段，不同階層，不同國籍的粉絲！我們都愛他❤。現在的年輕人好多失去方向卻不知。
-
有料，叻仔，靚仔，談吐得體，人才，非池中物！！！👍👍👍💯💯💯 好掂👏👏👏
-
超鍾意王嘉爾訪問，真誠有幽默感，素顏超靚仔、轉數快有諗法、Magicman 巡演好精彩 ，希望多多訪問Jackson
-
王嘉爾素顏都好靚仔！又可愛又聰明又真誠！
-
王嘉爾❤ 不要沾染娛樂圈的歪風 保持名成利就都依然正氣 你就可以紅一輩子🇭🇰🇨🇳💪🏼💪🏼👍👍👍👍👍
-
有型有款跳舞又勁....跳出國際...👍香港之光👍👍
-
王嘉爾又靚仔又得意😎好中意聽你講粵語啊！😚
-
[王嘉爾]簡直就是神級別的藝人💪💪❤❤，多才多藝 靚仔 三觀超級正 夠剛強 夠勇的王嘉爾就是真正的男子漢👍👍👍 這麼正能量的藝人非常值得我们去追捧，支持嘉爾就用實際行動捧他↣支持他的一切作品和買爆他代言的產品✌✌
-
愈來愈喜歡王嘉爾, 有實力有EQ!!!
-
呢兩日俾隻滑啫啫洗版，好在有王嘉爾專訪，真正見番啲又靚仔，又有才華又謙虛既Star!!
-
好鬼真誠的訪問，越來越中意佢
-
好鍾意王嘉爾！
-
Jackson 真係超好笑😂😂好耐冇聽過佢講咁多廣東話
-
思想正面👍真實自然，真正靚仔舞勁，香港有更多呢類年青人係中國人嘅福氣👍👍👍
-
非常欣賞Jackson，真性情，不虛偽，年青有為，為中國人增光。
-
Jackson 真的很單纯😍 希望永遠開開心心😍
-
王嘉爾直率又真誠又親切，仲咁有才華同承擔…真係要多啲報道啊❤❤❤❤❤
-
終於睇到喇，好鍾意Jackson用粵語對答， 希望好快會睇到Jackson出現在TVB節目裡. Do姐既視頻一定令到Jackson好開心， 多謝TVB!❤️
